Definiciones y condiciones

I. Los grupos d’edaes establecíos pal cálculu de los precios son estos:

- Preinfantil: hasta 5 años (inclusive).

- Infantil: hasta 14 años (inclusive).

- Veteranu: dende 65 años (inclusive) n’adelantre.

La edá de referencia pa la tramitación de los abonos anuales va ser la que tenga’l solicitante na fecha oficial pa empezar la temporada d´iviernu, siempre y cuando’l trámite se faiga primero de la fecha oficial de principiu. Desque la temporada oficial empiece, la edá de referencia va ser la que tenga’l solicitante de la que tramite l’abonu anual.

II. Va entendese como temporada d’iviernu les feches ente los díes 30 de payares de 2023 y 7 d´abril de 2024. Va entendese como temporada alta, amás de tolos sábados, domingos y festivos ente los díes 30 de payares de 2023 y 7 d´abril de 2024, estes feches:

- 7, 26, 27, 28 y 29 d’avientu de 2023.

- 2, 3, 4 y 5 de xineru de 2024.

- 12 y 13 de febreru de 2024.

- 25, 26 y 27 de marzu de 2024.

- 1 d′abril de 2024.

A los demás díes del calendariu previstu va aplicase’l preciu correspondiente a la temporada baxa. Ensin perxuiciu de lo anterior, y a tenor de les condiciones meteorolóxiques y la disponibilidá presupuestaria, la conseyería competente por razón de la materia del Principáu d’Asturies, va poder adelantar y/o retrasar el principiu y el fin de la temporada respectivamente.

Puen consultase les condiciones xenerales y especiales nel BOPA temporada 2023/2024.