Abonu de temporada

Procedimientu pa la tramitación d’abonos de temporada 2020/2021 Estación Ivernal Fontes d’Inviernu

Por cuenta de la pandemia de Covid-19, col envís d’amenorgar el contactu físicu y los tiempos d’espera nel procesu de tramitación d’abonos pa la temporada 2020/2021, afítase una tramitación “non presencial” pal periodu de prepagu previo a l’apertura al públicu de la estación.

Esti procedimientu va quedar operativu tamién depués d’abrise la estación p’aquelles persones que quieran abonase, y puean facer el trámite cola antelación debida.

Apertura del plazu de tramitación: 16 d’avientu de 2020.

 

*Información actualizao abonos temporada 2020/2021

12/01/2020.- Al nun ser posible de momentu acceder a les oficines de la Estación Fontes d’Iviernu, toles solicitúes d’abonos de temporada que se mandaron per corréu electrónico tán a la espera de tramitase. Cuando se puea facer esta xestión, vamos confirmalo individualmente per email.

Encamentamos a aquellos usuarios que quieran tramitar el abonu pa usar les instalaciones de Valgrande-Payares, que tramiten ellí la solicitú. Puen consultar el procedimientu en www.valgrande-pajares.com.

Recordamos que tolos abonos nuevos que se sacaren en Fontes hasta’l 29 d’avientu tán disponibles nes oficines de Valgrande-Payares pa recoyer hasta que se produza l’apertura de Fontes d’Inviernu.

Cualquier dulda o consulta sobre los abonos de temporada puen remitila al corréu electrónico abonados@fuentesdeinvierno.com. Vamos contestar lo primero que se pueda.

 

Abonaos que tengan yá tarxeta de temporaes anteriores

Tienen que facer la renovación del so abonu al traviés del enllaz a la nuestra plataforma online: Renovación abonos Fontes d’Inviernu con tarxeta de temporaes anteriores.

El pagu na plataforma ha facese con tarxeta de débitu/créditu.

La renovación online ta operativa siempre y cuando se renueve cola mesma tarifa cola que l’abonu se renovare l’últimu añu d’activación.  

Hai que disponer del últimu soporte d’abonáu que tuviere operativu nel sistema de control d’accesos, con independencia de que se tramitare anteriormente en Valgrande-Payares o Fontes d’Iviernu. Grabada nel soporte encontrarán una numeración de 23 dígitos, que han introducise ensin espacios nin guiones.

En casu de renovar con tarifa familia numberosa, carné mozu, federáu o persona con discapacidá, habrá que mandar por email a la dirección abonados@fuentesdeinvierno.com, imaxe de la documentación qu’acreita esos descuentos pa completar correctamente’l procesu, indicando nel asuntu del corréu “documentación recarga online”.

En casu de camudar de tarifa, la plataforma nun reconoza correctamente al numberación de la tarxeta o cualquier otra incidencia, habrá que mandar un email a abonados@fuentesdeinvierno.com, facilitando la máxima información posible de la incidencia, y un teléfonu de contactu.  Nosotros vamos ponenos en contactu pa xestionar la renovación.

La tarxeta va recibir l’activación al facer el primer pasu pelos tornos de control d’accesos del telesilla Llana´l Fitu.

 

Abonaos nuevos

Aquellos usuarios que vayan a abonarse por primer vez, habrán d’unviar un corréu electrónico a la dirección abonados@fuentesdeinvierno.com, indicando nel asuntu “nueva solicitud”, aportando esta documentación:

  • Solicitú d’abonu con datos personales.
  • Fotografía reciente en formatu JPG.
  • Imaxe del DNI poles dos cares.
  • Si ye’l casu, imaxe de la documentación acreditativa pa tarifes de descuentos. Consultar modelos pel reversu de la solicitú.
  • Facer ingresu o tresferencia bancaria nel IBAN nº ES4120480001763404000210, de Liberbank, del importe de la tarifa, incluyendo los 5 € del soporte, indicando como conceptu nome y apellíos del solicitante.
  • L’abonáu va recibir un corréu electrónicu de confirmación de la tramitación onde van indica-y les instrucciones pa la entrega del abonu.