Abonu de temporada

Procedimientu pa la tramitación d’abonos de temporada 2023/2024 Estación Ivernal Fontes d’Inviernu

Apertura de plazu de tramitación: 14 de payares de 2023.

Compra online

Tien que renovase l’abonu al traviés del enllaz de la nuestra web: https://fuentesinvierno.skisolution360.com/forfaitstemporada

El pagu na plataforma ha facese con tarxeta de débitu/creitu.

La plataforma de recarga online va dexar facer la compra del abonu de temporada, tanto si se tien la tarxeta d’abonáu d’años anteriores como si non

• Si se dispón de tarxeta chip, ha metese la numberación de la tarxeta siguiendo’l modelu de la imaxe; ha comprobase que se tien físicamente la tarxeta pa facer depués el control d’accesos con ella, y que nun ta rota. Ye válidu cualquier soporte qu’usare’l mesmu titular en cualquiera de les temporaes anteriores. Nun importa si hai un cambéu de tarifa, o si a lo llargo d’una o delles temporaes nun se renovó. La tarxeta va recibir l’activación nos tornos de los remontes de primer accesu de Fontes d’Iviernu o Valgrande-Payares.
• Si nun se dispón de tarxeta chip, al traviés de la plataforma va poder facese el procesu de compra, recibiendo per corréu electrónicu una confirmación con un localizador qu’ha presentase nes oficines centrales de la estación d’esquí pa la emisión de la tarxeta correspondiente, primero d’acceder a pistes. El costu del soporte (5 €) ha pagase al tiempu de recoyelu.

- Pa les tarifes carné mozu, tarxeta deportiva Uniovi, federáu, familiar, familia numberosa y abonu de persona con discapacidá, la documentación acreitativo del descuentu tien que lo presentar l’usuariu al traviés de la propia plataforma. Ha completase’l procesu de compra, pero la operación de recarga nun va rematar hasta que’l personal de la estación compruebe la documentación presentao.

- Tamién va ser menester xubir na plataforma una semeya actualizada.

- Tres de completar el procesu de compra va recibise un e-mail de confirmación indicando qu’ésta ta “pendiente de revisión”. La confirmación definitiva va unviase desque’l personal de la estación compruebe la validez de los documentos presentaos. Nel casu d’existir cualquier error vamos ponenos en contactu al traviés de corréu electrónicu.

- Esti procesu pue tardar dellos díes.

Pa cualquier dulda o incidencia col procesu de compra online pue unviase un corréu electrónicu a abonados@fuentesdeinvierno.com, indicando nome, corréu o teléfonu pa contactar y una esplicación curtia de la incidencia. Vamos ponenos en contactu con ustedes por orde de llegada.

Tramitación presencial

La tramitación presencial va facese namás nes oficines centrales de la Estación Ivernal Fontes d’Iviernu, n’horariu de 09:00 a 13:30 y de 15:00 a 16:45 hores.

El pagu va poder facese n’efectivo o con tarxeta bancaria. 

Documentación qu’hai que presentar:

• Solicitú d’abonu con datos personales.
• Pa renovaciones, soporte d’años anteriores.
• Semeya recién p’abonaos nuevos o toes aquelles persones que nun renovaren l’abonu de temporada en nenguna de les dos temporaes anteriores.
• P’abonaos nuevos, fotocopia del DNI peles dos cares.
• Si ye’l casu, fotocopia de la documentación acreitativo pa tarifes de descuentos. Consultar modelos per detrás de la solicitú.
• L’abonu de temporada va entregase (sacando causes de fuercia mayor) de la que se tramite.