Fuentes de Invierno

Fuentes, asitiao nel corazón de la “Montaña Central” asturiana, ufiértate 8,7 km esquiables, repartíos en 15 pistes de niveles estremaos: 3 pistes verdes, 3 azules, 6 encarnaes y 3 prietes. D’esta manera tolos esquiadores, dende los más avezaos a los más novatos, van poder esquiar per tolo alto. Cuntamos con remontes de la última xeneración -3 telesielles, 1 telesquí y 1 cinta- que faen posible tresportar 8.200 persones por hora. Disponemos de serviciu d’arriendu de material deportivo, escuela d’esquí, cafetería-restaurante y accesos afayadizos per carretera; y, amás, nos alredores hai 600 places hoteleres repartíes ente establecimientos de toles menes: hoteles, hostales, apartamentos, cases rurales, albergues, etc.

Fuentes ye una estación que tienes que conocer, allugada nuna zona d’una bayura cultural y artística estraordinaria y en mediu d’una contornada natural privilexada. Ilesies romániques, cases solariegues, pozos mineros y otres muestres de patrimoniu industrial alternen con paisaxes que te va prestar descubrir, como Las Foces de Roayer o la ruta de les foces d´El Pino, ente otros munchos paraxes d’una guapura singular. Y too esto a namás 70 km d’Uviéu y 84 km de Llión.